Рубрикалар

«Улан-Удэ – Кызыл – Улан-Удэ» — чаа авиарейс

«КрасАвиа» авиакомпания «Улан-Удэ – Кызыл – Улан-Удэ» авиарейсче субсидиялыг билеттерни садып эгелээн. Майның 26-да бирги рейс ужар. Тываның база Бурятияның эрге-чагыргаларының саң-хөө деткимчези-биле чүгле чамдык бөлүктүң хамаатыларынга эвес, а бүдүн рейске субсидия көрдүнген. Кызылдан субсидиялыг рейске Москва биле Красноярскыдан аңгыда, Улан-Удэже ужудуушкун база немешкени ол.

Чаа авиарейс ийи республиканың турисчи делгемнерин ажыдар. Тывада-даа, Бурятияда-даа бойдустуң, шажынның онзагай черлери хөй: Иволга хүрээзи, Үстүү-Хүрээ, Байкал, Азас хөлдер, аржаан суглар дээш, өске-даа черлер ам четтингир апаар.

Неделяда бир катап, четвергтерде авиарейсти кылыр. Ужудуушкун 3 шак уламчылаар. Билеттиң өртээ – 6445 рубль.

Билеттерни «КрасАвиа» авиакоманияның албан езузунуң сайтызындан, азы чурт иштинде өске-даа авиакассалардан садып ап болур.

Предыдущая запись
Май 6 – Тыва Республиканың Үндезин хоойлузунуң хүнү
Следующая запись
“Чедерде” тудуг ажылдары шалыпкын чоруп турар
Меню