ВЛАДИСЛАВ ХОВАЛЫГ ЭКОНОМИКТИГ ШУУЛГАНДА КИРЖИП ТУРАР

Бөгүн, июнь 3-те, Петербургтуң делегей чергелиг экономиктиг шуулганының (ПМЭФ-2021) кол кезээ эгелээн. Бо улуг хемчегге Тываның Баштыңының албан-хүлээлгезин түр үеде күүседип турар Владислав Ховалыг киржип турар.

Владислав Ховалыг шуулганның сессиязынга киришкеш база улуг үлетпүр бүдүрүлгелерниң төлээлери, ол ышкаш регионнарның удуртукчулары-биле чугаалажылгаларны кылыр.

Пятницада шуулганга РФ-тиң Президентизи Владимир Путин илеткел кылыр. Видео-харылзаа таварыштыр “президент” сессиязынга Австрияның канцлери Себастьян Курц база Катар күрүнениң эмири Тамим бен Хамад Аль Тани киржир.

ПМЭФ-2021-ниң ажыл-ишчи программазында 130 эксперттер дискуссиязы болгаш хөй-ле кедилиг шөлчүгештер кирип турар.

“Петербург шуулганы – делегей айтырыгларынче бистиң чурттуң каттыжылгазы болгаш делегей айтырыгларын сайгарарынга чаңчылчаан кол российжи шөл. Бо чылын ооң ужур-утказы онзагай” – деп, РФ-тиң экономиктиг хөгжүлде сайыды Максим Решетников демдеглээн.

#Экономиктигшуулган #ПМЭФ_2021 #Владиславховалыг #Шынсолун #Тыва #Тывамедээ #Тывадыл #Тува #Tuva #TMG #Tuvanews

Предыдущая запись
ЭҢ ЭКИ ТУРИСЧИ МАРШРУТ
Следующая запись
ВЛАДИСЛАВ ХОВАЛЫГ: “БЕРГЕ ҮЕЛЕРДЕ КЕЗЭЭДЕ БИСТИҢ-БИЛЕ КАДЫ”
Меню