Рубрикалар

ВЛАДИСЛАВ ХОВАЛЫГ КАНДИДАТУРАЗЫН КИИРГЕН

Бөгүн, июнь 22-де, Тываның Баштыңының албан-хүлээлгезин түр үеде күүседип турар Владислав Ховалыг 2021 чылдың сентябрь 19-та болур Тыва Республиканың Баштыңының – Чазааның Даргазының хуусаа бетинде соңгулдаларынга киржири-биле Тыва Республиканың Төп соңгулда комиссиязынга документилерин дужааган.

Республиканың бедик албан-дужаалының соңгулдазынга киржир документилерин соңгулда комиссиязынга дужааган бир дугаар кандидат Владислав Ховалыг болуп турар.

Владислав Ховалыг: “Бөгүн мен соңгулда комиссиязынче кандидатурам киирип, бүрүткедири-биле документилерим дужаадым. Ындыг-даа болза, эгелээн ажылымны уламчылаар мен” – деп чугаалаан.

Документилерни соңгулда комиссиязы хынааш, бүрүткээш, Россия Федерациязының Сбербанкызынга соңгулда фондузунуң тускай агар сан ажыдар чөпшээрелди аңаа берген.

Чыжыргана СААЯ.

#Төпсоңгулдакомиссиязы #Владиславховалыг #Шынсолун #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
БОКТУ АВГУСТ АЙГА ЧЕДИР АШТАП-АРЫГЛААР
Следующая запись
АЖЫКТЫГ БОЛГАШ ХӨГЛҮГ ЧАЙ
Меню