Рубрикалар

ЫЖЫК ААРЫГЛАРЫНДАН ЧОК БОЛУР ЧОРУКТАРНЫ ЭВЭЭЖЕДИР

Республиканың эмнелге албан черлери чүрек-дамыр болгаш ыжык аарыглары-биле демисежирде бедик технологиялыг 32 санныг дериг-херекселди алган. «Кадык камгалалы» национал төлевилели-биле ол бүгү медицина дериг-херекселдерин саткан.

Республиканың хан-дамыр төвүнге трансканиалдыг магниттиг стимуляция комплекизин, холдарга роботтаан механотерапия аппарадын, реабилитация тренажерун, сөөлгү үениң УЗИ-аппарадын, эмнелге оруннарын, онкодиспансерге эндоскопия системазын база пункция алыр черлиг маммография дээш, өске-даа дериг-херекселдерни садып алганын регионнуң Кадык камгалал яамызы дыңнаткан.

Эмнелге организацияларынга көжүп чоруур 21 медицина комплекизин – көжүп чоруур 18 ФАП-ты база тускайжыттынган 3 маммография база флюорография комплекстерин саткаш, үлээн.

Тываның кадык камгалал сайыды Анатолий Югай алган чаа техниказын шынарлыг ажыглаарын чагаан: «Статистиктиг сан-чурагайлардан бедик технологиялыг дериг-херекселдерни ажыглаанының түңнелдерин көрүп тур бис. Чижээ, чартыктааш кирген аарыг кижилерниң хораар чоруу 14,8 хуу чедир эвээжээн. Бо чылдың дургузунда ыжык аарыгларын илередип тывары көвүдээн-даа болза, сөөлгү 11 айларда ыжык аарыгларындан чок болганнарның саны эвээжээн».

Тускай дерээн көжүп чоруур ФАП-тар бистиң республиканың булуңнарынга чеде бээрге, эптиг байдалда эмчи шинчилгезин эртип алыр арга чурттакчыларда тургустунган.

Республикага «Кадык камгалалы» национал төлевилелин боттандырарынга 484 млн ажыг рубль акшаны үндүрген. Бо хүнге чедир ооң 94 хуузу, азы 456 млн рубли шиңгээттинген.

Тываның Чазааның парлалга албаны.

#Тываныңчазааныңпарлалгаалбаны #Националтөлевилел #Кадыккамгалалы #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
ӨВҮР КОЖУУНДА УКСААЛЫГ ХОЙЛАРНЫ ХАЙНАКТАШТЫРГАН
Следующая запись
ЧАҢГЫС ААЙ ИПОТЕКА СИСТЕМАЗЫН ТЫВАГА АЖЫДАР
Меню