Инек кудуруун хат уунче углай көрүндүрүп алган турар болза, агаар аязыр. Бажын өрү көдүрүп, чыдыыргап, тыныжы дыңзыыр, эрнин чылганыр болза, бүргээр.
Өшкү улуг кырган ыяш адаанга чаглактанырга – чаъс чаар. Хөөлбек сүзерге – аязыр. Коданга бөлүглежип алгаш чыдарга, суггур чаъс чаар.
Хой үскүлежирге, улуг хат хадыыр. Чаъс чаар дээнде, хойнуң дүгү хөөр, узаар.
Баглаашта аът ораныр, бышкырар болза, бүргээр.
Аът аңдааштанырга, чайын өл-шык, кыжын хар хөй болур.
Кыжын куштар дыт бажынга олурар болза, ыт хере теп херлир болза, куштар мыжыражыр болза, чылыыр.
Дагаа чаңгыс бутка турар болза, ыт дүрлүп алгаш чыдар болза, соор.
Куштар үнүштүң адаккы будуктарынга олурар болза, хадыыр. Кыжын куштар ыяш бажынга азы кажаа кырынга ыыт чок олурар болза, оожум хар чаар.
"Шын" №29 2023 чылдың апрель 22