Россия биле Беларусияның чоннарының чаңгыс эвиниң хүнүн ниити төөгүнү, маадырлыг өнчүнү, кижилерниң ниити үнелелдерин төрелдештирген чоннуң бузулбас найыралын болгаш акы-дуңмалышкы чоруун илереткен байырлал дээрзин Тываның Баштыңы Владислав Ховалыг бодунуң блогунда демдеглээн:
“Бистиң чонувустуң сырый каттыжыышкыны болгаш чаңгыс деми ылаңгыя амгы үеде тургустунуп келген чугула шаптараазыннарга дидими-биле удур туржурунга дузалыг.
2022 чылдан эгелеп Беларусия-биле кады ажылдап турар бис. Эрткен чылын аңгы дугуржулга-биле кады ажылдажылга планын тургускан бис. Чижээ Гродненск облазы дээн ышкаш аңгы-аңгы регионнар-биле идепкейлиг удур-дедир харылзажып турар бис. Арга-дуржулга, билиглер болгаш технологиялар солчулгазы, идепкейлиг садыг-саарылга харылзаалары бистиң хөгжүлдевистиң аргаларын калбартыр”.
