Апрель 4-те Тывада девискээрлер аштап-арыглаар, чаагайжыдар ай эгелээн. Республиканың шупту хоорай, суурларында хар төндүр эрээни-биле баштайгы субботниктер эгелей берген.
Кудумчулар аштап-арыглаары-биле коммунал ажыл-агыйның төлээлери, идепкейлиг чурттакчы чон, ажыл чок хамаатылар болгаш албан черлери үнүүшкүннерни кылып турар.
Бир дугаарында төп кудумчуларны болгаш хөй-ниити черлерин, ооң иштинде «Чурттаарынга таарымчалыг хоорай хүрээлеңин хевирлээри» национал төлевилелдиң “Чурттаар оран-сава болгаш хоорай хүрээлеңи” деп программазы-биле чаагайжыттынган шөлчүгештер, парктар, скверлерни аштап-арыглаан.
Харның чамдыызы ам-даа эривээн, кожууннарда бок аштап-арыглаар ажылдар апрель 5-те эгелээн. Республикага часкы субботниктер апрель төнчүзүнге чедир уламчылаар.
Эрткен чылын 4 неделя дургузунда хоорай, суурлар болгаш херимнер иштин ниитизи-биле 60 дөрбелчин метр черни аштап-арыглаан.Чуртталга-коммунал ажыл-агый яамызының санааны-биле, 1666 тонна ажыг бокту чыгган. Субботникке барык 700 албан чери, 20 муң ажыг кижи киришкен.
Чуруктарны интернет четкизинден алган.
«Шын» №26 2024 чылдың апрель 6
