Апрель 15-те Тыва Республиканың Чазааның Аппарат хуралынга регионнуң объектилериниң тудуунуң болгаш капитал септелгезиниң шактарын шүүштүрген. Барык бүгү-ле чаа объектилерни кылыры-биле керээ чарар ажылдар доозулган. 2024 чылда оларның саны 180 ажыг.
“Ажылдың хемчээли, шынап-ла, улуг. “Чадаана – Ак-Довурак”, “Кызыл – Эрзин”, “Абакан – Ак-Довурак” оруктарын чаартып, 30 хөй-ниити черлерин кылып эгелээр ужурлуг. Школалар, чуртталга бажыңнарының тудугларын, 2030 чылга чедир узаткан Республиканың социал-экономиктиг тускай хөгжүлде программазының боттанылгазын уламчылаар херек” – деп, Дээди Хуралдың Даргазы, Чаңгыс демниг Россия партиязының регионалдыг салбырының секретарының бирги оралакчызы Каң-оол Даваа чугаалаан.
Хөй-ле объектилерде ажыл шагда-ла хайнып турар. Тывага ажылчын сургакчылаашкын-биле кээп чораан Россияның экономиктиг хөгжүлде сайыды Максим Решетниковтуң чугаалааны-биле республикага ажылдың шак бо темпизин кадагалап арттырары чугула.
Чаңгыс демниг Россия партиязының регионалдыг салбырының медээлеринден.
“Шын” №29 2024 чылдың апрель 17
Ажыл хайнып турар
19 апреля 2024
7