Бүгү делегейниң кадык камгалал организациязының шиитпири-биле чылдың-на март 24-те Бүгү-делегейниң өкпе аарыынга удур демисел хүнүн эрттирип турар. Ол хүн немец микробиолог Альберт Кох өкпе аарыының өөскүдүкчүзүн тодарадып тыпкан. Ол дээш Альберт Кохка кадык камгалал талазы-биле Нобель шаңналын тывыскан.
Март 24-те найысылал Кызылдың Арбат шөлүнге Бүгү- делегейниң өкпе аарыынга удур демисел хүнүнге тураскааткан хемчеглер болуп эрткен. Аңаа Республиканың өкпе аарынга удур диспансерниң, Хөй-ниитиниң кадыының болгаш медицина профилактиказының төвү, СПИД төвү болгаш Российжи Кызыл крестиң Тывада салбыры идепкейлиг киришкеннер.
Өкпе аарыының айыылының болгаш ону болдурбазының, эмнээриниң талазы-биле тодаргай тайылбыр ажылын Кызылдың чурттакчыларының болгаш аалчыларының аразынга чоруткан. СПИД-ке удур демисел төвүнүң эмчилери акцияга киришкен күзелдиг кижилерден дүрген харыылыг анализтерни алган.
Өкпе аарыынга удур хемчеглерниң эң кол ке- зээ — ону баш бурунгаар илередип алыры болганда, Арбат шөлүнге ренгтен-лабораториялыг 2 автомашинага база келген чоннуң хөрээн тырттырган. Олче кирер дээн чоннуң оочуру улуг болган.
Өкпе аарыынга удур диспансерниң улуг эмчизи Олег Кара-Монгуш мындыг акциялар бөгүн шупту кожууннарда болуп турар деп дыңнаткан.
Шак бо акцияга аныяк волонтер эмчилер идепкейлиг киришкен.
/ Мерген КЫРГЫС.
Авторнуң тырттырган чуруктары.
