Бүгү-делегейниң уруглар камгалалының хүнүнде найысылал Кызылда Национал музейниң девискээринде өг чанынга тыва национал оюннар мастер-класстарын организастаан.
Аңаа уруглар ада-иелери-биле кажыктап, даалылап ойнааннар. Мастер-класстарны Национал школа хөгжүдер институттуң башкылары эрттирген. Олар оюннарның төөгүзүн болгаш дүрүмүн тайылбырлаан.
Мындыг оюннар уругларның дылын, бодалын, сактып алырын, угаанын болгаш күжүн сайзырадыр, ол ышкаш тиилелгеже чүткүлдүг болурун база аштырыгны хүлээп алырын өөредир дээрзин организакчылар демдеглээн.
Бистиң корр.
Медээни болгаш чуруктарны ТР-ниң Өөредилге яамызының социал четкиде арнындан алган.
“Шын” №21 2026 чылдың июнь 4
"Шын" солуннуң МАХ-каналынга каттыжыңар: max.ru/join/egenQ...