«Черни халас хуужудуп алыр» деп Тыва Республикада Росреестр эргелелиниң тайылбыр ажылынга хамаарышкан материал үнген соонда, Кызыл хоорайныӊ чурттакчызы С. Иргит «Шын» солун таварыштыр айтырыг салган.
«Вавилин ээптээнде 8 биле 9 дугаарлыг километрде чер участогун хуужудуп болур бе? Кандыг документ херегил? Кайы албан черинге баарыл?» деп ооӊ салган айтырыынга ТР-де Росреестр эргелелиниӊ удуртукчузунуӊ дузалакчызы Долаана Артына харыылап берген:
«Чер участогунуӊ документизинде айыткан чылы болгаш ай-хүнүнден хамааржып турар. Вавилин ээптээнде чер участогунуӊ документилерин 2001 чылдыӊ октябрь 30-ниӊ мурнунда берген бе, ону тодарадып алыры чугула.
Ооӊ мурнунда Вавилин ээптээниӊ девискээри Бии-Хем кожууннуӊ чагыргазынга хамаарыжып турган. 2016 чылдан тура ол Кызыл хоорайга хамааржыр апарган. Бир эвес ол үеде Бии-Хем кожууннуӊ чагыргазыныӊ берген документилери холуӊарда чок болза, документилер кылдырары-биле, Тыва Республиканыӊ Чер болгаш өнчү-хөреӊги яамызынга баар.
Ол Кызыл хоорайныӊ Калинин Кудумчузунуӊ 1 б деп адресте турар».
Р.Демчик белеткээн.