Сөзү Мөңгүн-оол Кууларныы.
Аялгазы Михаил Хомушкунуу.
Хову-шөлге тарып ажаар,
Хола пашка соолдургаш,
Хооруп алгаш, Эскеш, соктаар
Хоо-сарыг чиңге-тараам, чиңге-тараам.
Согааш, бала, деспи барда,
Соктап, челбип арыглааштың,
Ааржы холааш, кадык кылыр
Амданныг-ла чиңге-тараам, чиңге-тараам.
Сүттүг шайны амдан киирер
Сүүзүннүг-ле чаагай чемим.
Дазырадыр дайнап чиирге,
Таан тодуг чиңге-тараам, чиңге-тараам.
Аъттың казы, хойнуң чаандан
Чочак кылгаш, чип-ле ханмас.
Кайыын-даа чон чедип кээрге,
Каап сөңнээр чиңге-тараам, чиңге-тараам.
«Шын» №33 2026 чылдың август 27
"Шын" солуннуң МАХ-каналынга каттыжыңар: max.ru/channel_shyn