Иштики херектер органнарының хүндүлүг ажылдакчылары болгаш хоочуннары! Профессионал байырлалыңар-биле сеткилимниң ханызындан байыр чедирип тур мен!
Бөгүн бистиң чуртувус хамаатыларның хоойлу-дүрүм сагылгазын, амы-тынын, эрге-ажыын, хосталгазын камгалап, хөй-ниитиниң айыыл чок чоруун болгаш корум-чурумун хандырып чоруур эң чугула болгаш харыысалгалыг мергежилдерниң бирээзин шилип алган кижилерге хүндүткелди илередип байырлап турар.
Бо берге мергежилди шилип алган улус, үе канчаар-даа өскерилзе, чонунга болгаш Ада-чуртунга бараан болурун бирги черже салып, бодунуң хүлээлгезин төлептиг болгаш ак сеткилдиг күүседип чоруур патриоттар болгаш күрүне ажылдакчылары болур.
Иштики херектер органнарының төөгүзү ёзулуг патриотчу чоруктуң болгаш хууда составтың бодун хайыравазының чижектери-биле байлак. Албан-хүлээлгезин күүседип чорааш чок болган эш-өөрүвүске чырык тураскаал кылдыр бөгүн мөгейигни кылыры чаңчыл апарган. Россияның ИХЯ-зының төөгүлүг арыннарында ол маадырларның аттары кезээ мөңгеде киир бижиттинген. Бөгүн силер шупту боттарыңарның хууда үеңерни херекке албайн, чамдыкта амы-тыныңарны айыыл-халапка таварыштыргаш, кадыкшылыңарны өргүп, дааскан даалгаларыңарны сыныш чок күүседип турар силер.
Берге үелерде чугула херек мергежилге боттарын бараалгаткан бедик мөзү-бүдүштүг кижилерге, оларның арга-дуржулгазы корум-чурум камгалаар ажылдакчыларның аныяк салгалын кижизидеринге быжыг үндезин апарган иштики херектер албан черлериниң хоочуннарынга онза өөрүп четтириишкинни илередип тур мен.
Силерниң профессионал байырлалыңар шагда-ла Россияда эң-не онзагай байырлалдың бирээзи болу берген. Силерниң өг-бүлеңерге болгаш чоок кижилериңерге шыдамыккай чоруу, угаап билири болгаш бүзүрелдиг деткимчези дээш четтиргенимни илереттим. Хүн бүрүде дүшкүүрлүг ажылыңар артынга, дыштанырынга, өг-бүлеңерге болгаш анаа-ла өөрүшкүлүг болуушкуннарга үе артар болзун.