Сырый, кылагар болгаш кадык баш дүгү кандыг-даа херээжен кижини каастаар. Баш дүгүн ажаарда, садыг кремнери, маскалары, сывороткалардан аңгыда, улусчу аргаларны база ажыглап болур.
Анаа тарак безин дыка эки дузалаар. Ону чүгле ижер эвес, баш дүгүнге база ажыглап болур. Сүттен кылган бо продуктуда хоолулуг протеиннер бар. Ону аңгы-аңгы кылдыр ажыглап болур.
Бир аргазы: таракты башка чаггаш, полиэтилен плёнка-биле дуглааш, 30 минута дургузунда тудар. Чартык шак эрткенде, шампунь-биле чуп кааптар.
Өске арга база бар — баш дүгүн тарак-биле чууру. Ону кылыры дүрген эвес-даа болза, дээштиг болур. Таракты башка чаггаш, куйганы нугуп тургаш, таваар кылыр. Оон изиг сугга 3 шак тургускан оът хандызы-биле чуур. Ромашка, мелисса, тысячелистник азы лопух дазылын ажыглап болур.
Ол ышкаш баш дүгүн кылаңнадыр маскаларны база ажыглап болур.
1. Чартык шопулак лимон чулуун 2 улуг шопулак сметанага база 1 бичии шопулак чылыг кукуруза үзүнге холааш, баш дүгүнге чаггаш, 30 минута тургускаш, чуур.
2. Чымчадыр хоюткан 1 улуг шопулак бананны оливки үзүнге болгаш йогуртка холуур. Ону башка чаггаш, плёнка-биле дуглаар. Чартык шак эрткенде арыдыр чуггаш, фен чокка кургадыр.
“Шын” №30 2024 чылдың апрель 20
