Соңгу Осетияның күрүне университединге август 23-ке чедир Россияның шыырак дээн 80 спортчу студентилери допингиге удур болгаш психология, менеджмент талазы-биле бедик өөредиглиг белеткелди эрткен.
Белеткелдиң кол сорулгазы –спортчу студентилерни улуг делегей чергелиг маргылдааларга тускай өөредилгени чорудары болур. Оларның аразында бистиң студент мөгевис Күдер Монгуш шудургу белеткелди эрткени улуг чедиишкин база үлегер болур. Олар спортчу белеткелдерден аңгыда, культурлуг дыштанып, театр, музейлерни улуг сонуургал-биле көрген.
Күдерге шыырак белеткелди база чүгле бедик спортчу чедиишкиннерни күзедивис.
тывыскан.
/ Алексей ЧАМБАЛ-ООЛ, спорттуң хоочуну.
Чуруктарны “Тыва спорт” каналдан база ТР-ниң Спорт яамызының социал четкиде арнындан алган.
«Шын» №33 2026 чылдың август 27