Аът чарыжынга уругларның бертип-кемдээрин болдурбас база айыыл чок чоруун хандырар сорулгалыг Тываның Өөредилге яамызы аът чарыжынга Тыва Республиканың 2019 чылдың июль 27-де “Тыва Республикада уругларның күш-шыдал база мөзү-шынар сайзыралынга хора чедирбези-биле хемчеглер дугайында” № 1489-ВХ хоойлу езугаар 14 харга чедир назылыг уругларның киржирин хораан.
Ук дүрүмнү хажыткан таварылгада торгаалдарга онаажыр:
хамаатыларга – 500–1000 рубльге чедир;
албан-дужаалдыг улуска – 3000–5000 рубльге чедир;
юридиктиг эргелиг улуска – 30000–50000 рубльге чедир.
Аңаа хамаарыштыр Республиканың немелде өөредилге сайзырадыр төвү ада-иелерни уругларын хайгаарап-карактаарын күштелдиреринче кыйгырып турар.
Ажы-төлдү аъттан аңдарлыры-биле холбашкан айыылдан камгалаңар. Дириг амытаннар-биле чоок харылзаа айыылдыг бооп болур дугайында чугаалап бериңер. Эң-не кол дүрүм – ажы-төлдү хайгаарал чок арттырбазы.
Ажы-төлдүң кадыкшылы, амы-тыны дээш харыысалга долузу-биле ада-иеге хамааржыр дээрзин утпаңар. Уругларның айыыл чок чоруу – улуг улустуң харыысалгазы.
ТМГ Медээлер.