2024 чылда дыштаныр хүннерни чылдырарының чурумун Россияның Чазаа тодараткан. Ук документиге дүүштүр алырга, келир чылын российжилер 248 хонук ажылдаар, а дыштаныр хүннери — 118 хүн болур.
Чаа чылдың байырлалдары
2024 чылда Чаа чылдың байырлалдары сес хонук уламчылаар – январь 1-ден 8-ке дээр. Бир-тээ 2023 чылдың суббота болгаш улуг-хүнү декабрь 30 болгаш 31 хүннеринге таварышкан болганда, чаа чыл дыштанылгазының үргүлчүлелдии он хонук болур. Январь 6-ның болгаш 7-ниң ажылдавас хүннеринге онаашкан дыштаныр хүннерни май 10 (пятница) болгаш декабрь 31 хүннеринче чылдырган.
Февраль, мартта дыштаныр хүннер
Бир-тээ Ада-чурттуң камгалакчыларының хүнү пятницага таварышкан болганда, российжилерни февральда дөрт хонуктуң ажылчын неделязы манап турар.
Бүгү-делегейниң херээженнер хүнүн база пятницада демдеглээр, ынчап кээрге, февральдың дыштаныр хүннериниң соонда бир неделя болгаш база бир дөрт хонуктуг ажылчын неделя бисти манап турар – март 8-те үш хүн дыштаныр.
Майда дыштаныр хүннер
Ынчан дыштаныр хүннер апрель төнчүзүнде, алды хонуктуг ажылчын неделяның соонда апрель 28-тен (улуг-хүн) май 1-ге (среда) дээр уламчылаар. Тиилелге хүнү онаажып турар ажылчын неделя үш хонук уламчылаар, а май 9-тан (четверг) 12-ге (воскресенье) чедир дыштаныр.
Июньда дыштаныр хүннер
Июньда ажылдавас байырлал хүнү июнь 12-ни средада демдеглээр.
Ноябрьда дыштаныр хүннер
База-ла ийи ажыл хүнү эвес хүннер Чоннуң демнежилгезиниң хүнүнде – ноябрь 3 база 4-те (улуг-хүн болгаш понедельник) планнаттынган. Бо хүннерниң бүдүүзүнге алды хонуктуг ажылчын неделя онаажыр.
Декабрьда дыштаныр хүннер
2025 чылдың чаа чыл дыштанылгаларының бетинде дыштаныр хүннер үш хонук уламчылаар – улуг-хүнден вторникке дээр. Ооң-биле чергелештир 2024 чылдың декабрь 28-иниң субботазы ажылчын хүн кылдыр санадыр.
СЭТА-ның медээ-дыңнадыгларындан
