Тываның девискээринге 2024 чылда “Айыыл чок шынарлыг оруктар” национал төлевилел ёзугаар ниити узун дурту 25 километр орук участоктарын септээр. Регион чергелиг 5 орукка болгаш найысылал Кызыл хоорайда 14 орукка септелге ажылдарын чорударын планнаан.
“Айыыл чок шынарлыг оруктар” национал төлевилелдиң акша-хөреңгизи-биле 2024 чылда кылып чорудар ажылдарның керээлерин амгы үеде чарып турар. Керээлерниң 33 хуу хирези чардынган.
“Эрткен чылда Тываның орукчулары шупту ажылдарны доктааткан хуусаада кылган. Ажылдары эрткен чылдан бо чылче шилчиттинген объектилер база бар. Оларга чорудар ажылдарның керээлерин шалыпкыны-биле чарып турар. Септелге ажылдарын чорударын хүлээнип алган бүдүрүлгелер белеткелди кидин түлүк чорудуп турар, ол дээрге техника белеткээри, ажылчыннарны четчелээри, оруктар септелгезинге херек материалдарны садып алыры дээш өске-даа ажылдар-дыр” – деп, республиканың орук-транспорт комплекизиниң сайыды Шораан Чыргал-оол дыңнаткан.
Бо чылда Кызыл хоорайның, Тес-Хем, Кызыл, Өвүр, Каа-Хем кожууннарның оруктарынга септелге ажылдарын чорудар.
“Айыыл чок шынарлыг оруктар” национал төлевилелдиң бистиң республикада объектилеринге ажылдарны оруктар септелгезинге бо частың агаар-бойдустуң таарымчалыг байдалы дүжерге, 2024 чылдың ийиги кварталында эгелээр.
Ш. МОҢГУШ белеткээн.
Чурукту интернеттен алган.
«Шын» №22 2024 чылдың март 23
