Орулгазы эвээш өг-бүлелер кажан уруглар пособиезин ап эгелээрил? Тодаргай харыызы: 2022 чылдың майдан эгелеп, пособиелерни ап болур. Ындыг-даа болза ооң санаашкынынче апрель ай база кирер. Уругларга төлевирни чүгле орулгазы эвээш өг-бүлелер алыр.
Пособиение алырының дугайында билдириишкинни Күрүне ачы-дуза порталы (https://www.gosuslugi.ru) таварыштыр киирип болур. Аңаа чүгле чаңгыс билдириишкин чедер, өске шынзылгалар херекчок. Хүлээр хуусаазы: май 1-ден эгелээр.
2022 чылда 8-тен 16 хар чедир уругларның пособиезин төлээринге 500 млрд рубльди чарыыры көрдүнген.
Мира КОНГУЛ-ООЛ