Коронавирус аарыының нептерээни-биле холбашкан кызыгаарлаашкыннар үезинде экономиканың эң-не когараан адырларынга хамааржыр албан-бүдүрүлге черлеринге «ФОТ 3.0» программазы-биле берген чиигелделиг чээлилерни эгидер хуусаазын соңгаарладыры-биле, дузаламчы кылдыр 1 млрд рубльди үндүрүп бээриниң дугайында айтыышкынны Россияның Чазааның Даргазы Михаил Мишустин берген.
Чээлини эгидер ужурлуг хуусааны 6 ай соңгаарладырының дугайында чугаа чоруп турар – ол үе дургузунда сайгарлыкчыларга алган чээлизи дээш төлевирлерни чорударын түр үеде соксадып болур арганы тургускан.
“Сайгарлыкчылар ажылын соксатпайн, ажылдакчыларының шалың төлевирин чорудуп шыдаар болуру бо хүннерде онза чугула айтырыг болуп турар” – деп, М. Мишустин айыткан.
Бизнеске чиигелделиг чээлилер бээр программаларның эки үре-түңнелдиг болганы бадыткаттынган. Оларны боттандырып турган үеде ниитизи-биле 600 млрд рубльге чээли деткимчези көргүстүнген.
Чурукту интернет четкизинден алган.