Аңнар читкен…

Бо-ла чорааш, аңчыларның кээргел чогун кайгаар-дыр мен. Ам бо шагда боо-моңгулуг кижилер аң-меңден көвүдээн.

Бо чылын хар улуг-дур, тайгада оон-даа улуг. Аң-мең истеп тыварда, аңчылар амырап тур боор. Аң-меңниң удавас оолдаар үези. Оларга кым чем, удуур чер белеткеп бээр, хөөкүйлер боттары борастанып чурттап чоруур. Дилги, койгун, морзук дээш өске-даа аңнар читкен, көзүлбестээн. Чайын каттап чоруурга, тайга ээн, элеш-караш дээр дириг чүве чок.

Арткан каш борбак аң-меңивистиң амы-тынын камгалап көрүңер, аңныыр ажыл-агый чери! Чөпшээрел чок аңнап чоруур төтчеглекчилерни тудуп, торгаап, тайга-таңдывысты хайгааралга алыңар.

Мария ТЮЛЮШ.
Шагаан-Арыг хоорай.
“Шын” №6 2025 чылдың февраль 20