Боостааны канчаар эмнээрил?
Чайын-кыжын дивес, үргүлчү боостаазы аарыыр, ылаңгыя соок суг ижиптерге, дораан ангиналай бээр кижилерге ажыктыг сүме.
Херек чүүлдер: чеснок, чеснок чуурар херексел, шүүр.
Кежээ удуур бетинде бир чеснокту аштааш, чуура идип-идип, чесноктуң чулуун бир омааш долдур сы тудуп, шүүрептер. Омаашты-даа, чеснок сы тудар херекселди-даа аржыыл-биле экидир кургадыр чодары чугула. Чулууңарга чаңгыс-даа дамды суг холушпас ужурлуг. Суг-биле холуптар болза, эм шынары чиде бээр. Омааш долдур сы тудуп алган чулууңарны чаңгыс угда ижипкеш, 10 минутаның дургузунда суг-даа, шай-даа ишпейн, шыдажыптар силер.
Беш кежээ эмнениптериңерге, тыныш органнары арыгланыр.
Хевисти чүнүң-биле аштаарыл?
Час дүжерге, херээжен кижи бүрүзүн дүвүредир айтырыгларның бирээзи бо.
Херек чүүлдер: сода, уксус, хеп чуур порошок.
Үе эрткен тудум, хевисти үргүлчү аштап турда-даа, чырыын чидирип, хир-чамны чыып эгелээр. Хөй акша үндүрбейн, хевисти бажыңга аштаптар арга бар.
Изиг сугже чем кылырда ажыглаар соданы, уксусту болгаш хеп чуур порошокту бир-бир омаашты каапкаш, булгап-булгап, кезек тургузупкаш, суг чылбай апаарга, хевисти аштап кааптар силер.
Хевизиңер чаа чүве дег, өң кирип келир.
Чурукту Шедеврумга чураан.
“Шын” №12 2026 чылдың апрель 2
"Шын" солуннуң МАХ-каналынга каттыжыңар https://max.ru/join/egenQjfuGzdL6mt0tSEaIo13rmlpMRQzzSnZQdqfHFY