«Сайзыралдың» баазазында «Лидер» деп элээдилер төвүнде ада-иелерге аалчылар өрээли ажыттынган. Чаа ажыттынган өрээлге «Сайзырал» төвүнүң психологу Ульяна Монгуштуң удуртулгазы-биле «Ажы-төл-биле чугаалажып өөрениили» деп мастер-класс болган.
Элээдилер төвүнүң ажыл-чорудулгазын чонга таныштырары болгаш ада-иелерни ажы-төлү-биле шын чугаалажып билир кылдыр өөредири – мастер-класстың кол сорулгазы.
«Лидер» төвү ада-иелерни солун болгаш ажыктыг кичээлдерже чалап турар. Харылзажыр дугаары: 7(39422)53320 азы Кызыл хоорайның Рабочая кудумчузу, 56 дугаарлыг бажыңга баар.
Бистиң корр.
"Шын" №55, 2023 чылдың июль 26