Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Аас-кежик дугайында өөредиглиг чугаа

1 июля 2024
10

Бир-ле катап орукка мерген угаанныг кырган делегейниң чаражын магадап, чуртталгазынга өөрүп кылаштап чораан. Хенертен ол аар чүък чүктеп алган аас-кежик чок, түреңги кижини көрүп каан.

— Бодуңну чүге ынчаар хилинчектеп чорууруң ол? — деп, мерген угаанныг кырган айтырган.

— Ажы-төлүмнүң болгаш салгалдарымның аас-кежии дээш мынчаар түреп чор мен— деп, ол кижи харыылаан. — Мээң кырган кырган-ачам бүгү назынында кырган-ачамның аас-кежии дээш хилинчектенип чораан, кырган-ачам мээң ачамның аас-кежии дээш, ам мен бүгү чуртталгамны чүгле ажы-төлүм, оларның уруглары аас-кежиктиг болзун дээш човалаңны көөр ужурлуг мен.

— Сээң өг-бүлеңде аас-кежиктиг кижи турган бе ынчаш? — деп, мерген угаанныг айтырган.

— Чок. Ынчалза-даа мээң ажы-төлүм, оларның ажы-төлү албан аас-кежиктиг болур ужурлуг! — деп, ол харыылаан.

— Билиг чок кижи кымны-даа номчуп өөредип шыдавас, а дедир-даван эзирни кижизидип шыдавас! — деп, кырган чугаалаан. — Баштай бодуң аас-кежиктиг болур кылдыр өөренип ал, бодуңнуң ажы-төлүңнү, салгалдарыңны канчаар аас-кежиктиг кылырын ынчан билип каар сен.

“Шын” №48 2024 чылдың июнь 29