Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Ада-чурт камгалакчызының кубогу

3 июля 2024
10

Кызылга Совет Тываның 5 чылы аттыг стадионга тускай шериг операциязының хоочуннарынга «Ада-чурт камгалакчыларының кубогу” регионалдыг комплекстиг күш-культура хемчээниң байырлыг ажыдыышкыны болуп эрткен. Маргылдаа «Спорт — амыдыралдың норма-чижээ» деп федералдыг төлевилелдиң иштинде эртип турар.

Тываның 14 кожуунундан 100 ажыг ТШО хоочуннары алды хевирниң маргылдааларынга киришкен: боо адары, ча адары, хол басчыры, шой көдүрери, стол теннизи болгаш чиик атлетика. Маргылдааның организакчылары — «Ада-чурттуң камгалакчылары” күрүне фондузунуң Тывада салбыры база ТР-ниң Спорт яамызы. Республиканың Баштыңының Айтыышкыны-биле 2024 чылды Кадыкшыл чылы кылдыр чарлаанын сагындырып каалы.

Байырлалдың ажыдыышкынында Тываның Чазааның оралакчы даргазы Айдың Чюдюк чүве чугаалаан. Маадырларның кадыкшылының эдип-чазалгазынга спорт эң тулган эм болур дээрзин ол демдеглээн. Күш-дамыр сайзыралы, эш-өөр-биле чугаа-соот база тиилелгелер күш-дамыр болгаш сагыш-хөөн байдалынга эки салдарлыг.

«Ону чедип алыры-биле, «Ада-чурттуң камгалакчылары” фонд тускай шериг операциязының хоочуннарын спортче эвилелдээринче улуг кичээнгейни угландырып турар. Кылдынган ажылдар хилис барбаан. «Ада-чурт камгалакчыларының кубогу” маргылдаада 100 ажыг дайынчы киржип турар. Силерниң дыка хөйүңер Кубокка киржилгениң соонда спорт-биле сырый холбажып эгелээр – ол бүгү биске эң чугула болгаш үнелиг. Маадырларга бодун көргүзер, планнарын боттандырар арга-шинекти тургузар ужуруг бис“ — деп, Айдың Чюдюк чугаалаан.

«Ада-чурттуң камгалакчылары” күрүне фондузунуң регионалдыг салбырының удуртукчузу Мерген Кызыл-оолдуң чугаазы-биле алырга, «Ада-чурт камгалакчыларының кубогун” бир дугаар эрттирип турар. Ында 10 ажыг команда киржип турар. Маргылдааларны хууда болгаш команда аайы-биле эрттирип турар. Шак ынчалдыр, оларның түңнелдери-биле республика командазын шилиир, ооң соонда ол регионнар аразында маргылдааларга, харын-даа Россияга “Ада-чурттуң камгалакчыларының кубогунга” Тываны төлээлээр.

Ийи дайынчы ниити-россия маргылдааларынга белеткенип турар.

«Ада-чурттуң камгалакчылары” фонд Россияның Паралимпийжи комитеди болгаш Бүгү-россияның Спорт федерациязы-биле кады Россия Федерациязының өмээржилгези-биле сөөк-даяа мунчураан кижилерге дузаны көргүзүп турарлар

ТМГ-ниң медээзинден.

Буян ООРЖАКТЫҢ тырттырган чуруктары.


“Шын” №49 2024 чылдың июль 3