Өг-бүлениң үнезин, ада болгаш иениң харыысалгазын быжыглаар талазы-биле хемчеглер
1. Октябрь 14-тен ноябрь 14-ке чедир — кожууннарже «Тыва Республикада уругларның болгаш аныяктарның мөзү-шынар кижизидилгезинге өг-бүлени быжыглаарының чаңчылдарын кадагалап арттырары болгаш катап сайзырадыры» деп үнүүшкүннүг хемчег.
2. Октябрь 14-тен ноябрь 14-ке чедир — Тыва Республиканың өг-бүлелерге болгаш уругларга социал деткимче төптеринге «Иелер болгаш адаларның харыысалгазы» деп темага амы-хуу тайылбыр ажылдарын чорудары.
Культура-массалыг, спортчу, хөй-ниитижи хемчеглер
1. Октябрь 14-тен ноябрь 14-ке чедир — кожууннарга «Иезинден — кызынга. Адазындан — оглунга» деп үнүүшкүннүг делгелге болгаш мастер-класстар.
2. Октябрь 20-де 18.00 шакта — В. Көк-оол аттыг Национал хөгжүм-шии театрынга «Кайда сен, ачай?» деп шииниң көрүлдези.
3. Октябрь 20-де — Олимпийжи белеткелдер төвүнүң спорт залынга Тыва Республиканың муниципалдыг тургузугларының аразынга республика спартакиадазы.
4. Октябрь 21-ден 24-ке чедир — Сүт-Хөл кожууннуң культура бажыңнарынга «Культурлуг десант» деп ведомство төлевилелиниң иштинге коллективтер гастрольдары.
5. Октябрь 25-те — «Сайзырал» республика төвүнге «Өг-бүлениң үнелиг чүүлдери» деп ада-иелерге хемчег.
6. Октябрь 20-ден ноябрь 21-ге чедир — Аныяктар өргээзинге өг-бүлелер аразынга угаан сайзырадыр оюннар.
Информастыг-коммуникациялыг хемчеглер
1. Октябрь 19-та, ноябрь 23-те — Ажык эжиктер хүнү. Гинекологтуң консультациязы. УЗИ чорудар.ТР-ниң Перинаталдыг төвүнге, Республиканың хөй-ниити кадыкшылының болгаш медицина профилактиказының төвүнге, кожууннар аразының медицина төптеринге, кожууннарның төп эмнелгелеринге кадыкшылды камгалаарының талазы-биле консультациялар.
2. Октябрь 20–21 хүннерин-де — Республиканың хөй-ниити кадыкшылының болгаш медицина профилактиказының төвүнге «Оолдарның кадыкшылының дугайында» ада-иелерге кадыкшыл школазы.
3. Ноябрь 1-ден 25-ке чедир — Тыва Республиканың Национал архиви «Тываның алдарлыг кыстары» интернет-делгелге.
4. Ноябрь ай дургузунда — ниити билиг өөредилге албан черлеринге ада-иелерге бүгү-ниити өөредилге.
“Шын” №80 2024 чылдың октябрь 19
