Адаларга тураскааткан үлегер домактар

Ада кижи оглун сактыр,
Алдын-доос кудуруун сактыр.
***
Ада көрбээнин оглу көөр,
Ие көрбээнин уруу көөр.
***
Ада сөзүн ажырып болбас,
Ие сөзүн ижип болбас.
***

Ада турда — чон таныыр,
Аът турда — чер көөр.
***
Ада чокта — чартык өскүс,
Ава чокта – бүдүн өскүс.
***
Ада чокта – эш чок,
Аъды чокта – бут чок дег.
***
Тараалыг кижи тодуг,
Адалыг кижи чоргаар.
***
Адазынга кызы ынак,
Авазынга анай ынак.
***
Ада өлүр – оглу артар,
Аът өлүр – баглаажы артар.
***
Эр адым өлүрүнүң орнунга,
Эр бодум өлзүмзе дээре.

“Шын” №6 2025 чылдың февраль 20