Адыг дыргаа-биле кандыг-даа бергелерни ажып эртер дижир. Тыва чаңчыл ёзугаар өреге бүрүзүнге адыг дыргаа албан турар турган.
Шаандагы тывалар адыг дыргаан хай-халапты чайладыр, аарыг-аржыкты эмнээр-домнаар болгаш ылаңгыя уруг-дарыгның амы-тынын айыыл-халаптан чайладыр күчүлүг эт кылдыр шыгжап чорааннар.
Бир эвес долу дүжер деп барган болза, өгнүң эр ээзи дашкаар үнгеш, сүртенчиг кылдыр сыгырып-сыгырып, бажының кырынга адыг дыргаан чаяр болза, долу чоок-чоок-кавыга дүшпейн баар дижир. Бир эвес кавайда чаш уруг хенертен аакталып ыглаан болза, адыг дыргаан хаваанга дегзиптерге, удуй бээр дижир. Бир эвес азалар чаш уругнуң амы-тынынга кыжанып келир болза, өгнүң эр-даа, кыс-даа ээзи адыг дыргаан тудуп алгаш, өгнү үш долгандыр хүн эргилдир дескинер болза, удур келген өлүм-чидим ала-чайгаар тайлы бээр дижир.
Адыг дыргаан эдилеп чоруур өгге багай чүве болбас дижир.
Хоолгалаан.
Чурукту интернеттен алган.
“Шын” №46 2025 чылдың ноябрь 27