Чаа сайыттың допчу-намдарындан алырга, Красноярскиниң политехниктиг институдунуң Кызылда салбырын 1995 чылда дооскан. Тываның күрүне университединге тудугжу мергежили-биле башкылап турган. 2000 чылдан тура Санкт-Петербургтуң Архитектура-Тудуг университединиң аспирантуразынга өөренген. 2011 чылга чедир «Бывтмашсервис» МУП ТТЦ-ниң инженеринге ажылдаан. Бо үеге чедир «Суугу» КХН-ниң удуртукчузу. 2013-тен 2019 чылга чедир туткан объектилери уруглар садтары, школалар, чуртталга бажыңнары, чижээ, сөөлгү тудуу Кызыл хоорайда Иркутская 16-да 5 каът бажың.
Чазак Баштыңы Аяс Хунай-оолду яамыга апрель 16-да таныштырып тура, чаа сайытка бодунуң бүзүрелин илеткээн. Бо чылдан эгелээш, Россия Чазааның деткээни Тываның тускайлаң сайзыраар программазында 2024 чылга чедир тудуп үндүрер 200 ажыг млрд. акша түңнүг объектилерниң хөйүн, ол улуг ажылды Аяс Хунай-оол төлептиг кылдыр тыва тудугжуларны мөөңнеп, эчизинге чедириптерин күзээн.
#Шын