АЙДЫҢ САРЫГЛАР: ПУТИН БОДУНУҢ ҮЛЕГЕРИН КӨРГҮСТҮ
“Чамдык регионнарга эпидемия бедий берген таварылгада чогуур албан-хүлээлгелиг органнар айыылдыг бөлүктүң кижилеринге тарыыдыышкынны кылыр эргелиг деп Россияның Президентизиниң чугаалаанын чөптүг деп санаар мен. Ол шын шиитпир” – деп ТР-ниң кадык камгалал сайыдының оралакчызы Айдың Сарыглар дыңнаткан.
Ындыг хемчеглер 1998 чылда хоойлуга дүгжүр дээрзин Владимир Путин чугаалады. COVID-19-ка удур вакцинация кызыгаарлаашкын хемчеглерин чорутпазынга дузалаар.
“Евро-2021”-ни эрттиреринге хамаарыштыр эки харыыны күрүнениң баштыңы берди. Шупту негелделерни сагып тургаш, ол хемчегни эрттирер ужурлуг бис.
Боду тарыдып алган дугайында айтырыгга Владимир Путин харыылады. Бодунуң үлегерин көргүстү – шупту тарыдар херек”.