– Хоочу аарыглыг кижини инвалид деп санаарыныӊ чуруму өскерилген ирги бе?
– Кадыыныӊ байдалы-биле инвалид деп санаарында чаа чурумну киирген. Ол дугайында Россияныӊ Чазааныӊ 588 дугаарлыг доктаалы апрель 5-те үнген.
2022 чылдыӊ июль 1-ден тура эмчи-социал экспертиза аарыг кижини инвалид деп санаар чогуур түӊнелди чаа чурум-биле кылыр.
Аарыг кижи боду чокта, түӊнелди кылып болур.
Экспертиза кылыр эмчилер ооӊ чурттап турар бажыӊынга чеде берип болур.
Аарыг кижи ырак черде болза, информация-телекоммуникация технологияларын ажыглап болур.
Бир эвес эмчи шинчилгезин катап эрттирип, экспертизага боду киржир дээн болза, аӊгы билдириишкин бижиир.
Экспертизаныӊ түӊнелинде инвалид деп шынзылганы бээр.