Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Алагатай

3 февраля 2024
11

Бо оюнну ойнаарда, ийи холдуң он салаазын чадыр хевирлиг кылдыр тудуп алгаш, ийи кижи ойнаар.

Бир кижи «чадырның» кезектерин айтып тургаш, айтырыгларны салыр. Өске кижи «чадырны» тутпушаан, аңаа харыылаар:
— Бо чүү чүвел?
— Кожактыг молдурга-дыр.
— Бо чүү чүвел?
— Сарыг ыдым чыдыны-дыр.
— Бо чүү чүвел?
— Ийи угбашкы тон быжып чыдыр.
— Бо чүү чүвел?
— Ийи алышкы от көзеп чыдыр.
— Бо чүү чүвел?
— Ай бакым.
— Бо чүү чүвел?
— Хүн бакым.
— Бо чүү чүвел?
— Чес бакым.
— Боже кирейн бе?
— Кирдинмес, ында ыдым ызырар.
— Боже кирейн бе?
— Буурам ызырар.
— Боже кирейн бе?
— Аскырым тевер.
— Боже кирейн бе?
— Бугам үзер.
— Бо чүү чүвел?
— Чылгым оъттаар чыдын даам-дыр.
— Бо чүү чүвел?
— Аъдым өртээр дөңгүр төжүм-дүр.
— Бо чүү чүвел?
— Хоюм оъттаар хойжу даам-дыр.
— Борта хонайн бе?
— Хоржок, идиим азар мен.
— Борта хонайн бе?
— Чүвүрүм азар мен.
— Борта хонайн бе?
— Тонум азар мен.
— Борта хонайн бе?
— Ок-саадаам азар мен.
— Борта хонайн бе?
— Курум азар мен.
— Борта хонайн бе?
— Бөргүм азар мен.
— Ындыг болза, акым, Хой кадарган оглум Койгун өлүрүп келди. Чылгы кадарган оглум Чыдыг кырза эъди эккелди. Оон эъдин хайындырып чиир. Чаглаа кара пажыңар бериңерем.
— Сарыг ыт көгээр артында чуушкун ижип чыдыр. Барып ап ал!
— Кайда, кайда, кайда?
— Хар-хар-хар — дээш, (ыт ээрерин өттүнүп, «ызырыптар»).
1 Бакым — бакылаар деп сестен укталган.

"Матпаадыр" уруглар номундан алган.

“Шын” №8 2024 чылдың февраль 3