Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Амгы үеге дүүшкен ортулукчугаш

8 февраля 2024
4

“Фельдшер-акушер пунктуларының ажылдакчыларынга амгы үениң дериг-херекселин болгаш дүрген ажылдаар интернетти ажыглап тургаш, аарыг кижилерге ол-ла черинге боттуг дузаны чедириптер аргалар турар ужурлуг” — деп, РФ-тиң Президентизи Владимир Путин чугаалаан.

Чедери берге ыраккы Тожу кожууннуң Сыстыг-Хем суурунда фельдшер-акушер пунктузун ажыткан. Ону Президент Владимир Путинниң хүлээп алган шиитпири ёзугаар “Кадык камгалалы” национал төлевилелдиң кадык камгалалының бирги звенозун чаартыр программазы-биле туткан.

Канчаар-даа аажок чараш оран-сава бо. Сактырга, чедери берге ырак черниң эвес, а хоорайның эмнелгезинде кижи чедип келген дег сагындырар. Мен бо суурда 50 ажыг чыл чурттап турар мен. Ол үе дургузунда маңаа ындыг чараш бажың-даа көрбээн мен” – деп, суурнуң 87 харлыг хоочун чурттакчызы Алина Аковна бодунуң өөрүшкүзү-биле үлешкен.

Өскелерден ылгалып турар Сыстыг-Хем суурнуң фельдшер-акушер пунктузу ам дүрген интернеттиг, ыракта эмчилер-биле сүмележиптер аргалыг, ёзулуг-ла амгы үениң негелделеринге дүгжүп турар ортулукчугажы апарган.

“Бистиң ыраккы кожуунувуста, ылаңгыя чедери берге Сыстыг-Хем дээн ышкаш суурларда, кадык камгалалының бирги звенозун чаартыр программазы-биле чаа оран-саваларның туттунуп турарынга аажок өөрүп тур мен. Сыстыг-хемчилер ам диспансеризацияның бирги чадазын суурдан үнмейн, чаа эптиг ФАП-ка эртип, херек болза ыракта эмчилер-биле-даа харылзашкаш, арга-сүмени-даа ап болур аргалыг апарган” – деп, Тожу кожууннуң төп эмнелгезиниң улуг эмчизи Чиңгис Куулар демдеглээн.

Ол ышкаш ФАП-тың чаа оран-савазында аптека пунктузун база ажыткан. Оон чиигелделиг эмнер алыр пациентилер халас эмнерни алыр аргалыг. Суурнуң өске-даа чурттакчылары төрээн суурундан үнмейн, ФАП-тың аптеказындан эргежок чугула эмнерни садып ап болур.

Чыжыргана СААЯ

Чуруктарны интернеттен алган.


«Шын» №9 2024 чылдың февраль 7