Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Амыдыралдан чугаалар

9 февраля 2025
5

Яндан-оол деп чүңүл?

Кырган-авазы биле оглунуң чугаазы:
— Алло, оглум кайда сен?
— Школада мен, кырган-авай.
— Кичээлдериң төнген-дир, дүрген чан.
— Интернеттен доклад уштуп алырым ол-дур – диген.
— Интернаттан шоколад уштуп канчаар сен, оглум. Чанып кел.
— Адыр даан, кырган-авай. «Вконтакте» көрүп олур мен.
— Ойт! Ындыг чүдек сөс адавас, оглум. Кырган-ачаң безин адавас сөс-түр.
— Чок-чок, соора дыңнадың ийин. Бажыңывыска Вай-фай турган болза аа, кырган-авай?
— Вафли бар. Садып каан мен, оглум. Дүрген чан че.
— Адыр бо Яндекстен херек чүүлүмнү дилептейн.
— Яндан-оол деп чүңүл. Ол бажыңында орбажыкпе.
— ….?

Наркоманшей будешь

Авашкылар хоорайга агаарлап чораан. Уруу элээн кылаштап чорааш:
— Шылай бердим, авай – диген.
— Шыдаш, уруум. Атаманшей будешь – деп, авазы көгүткен.
Бажыңынга кирип келгеш-ле, уруу акыларынга:
— Чүү дээн ийик сен, авай? «Наркоманшей будешь» дээн сен аа? – деп алгырган.
Акылары чир-шоң дүшкен.

Кредит черле албаан мен

Бир малчын акый Кызылга эмчилеп келген. Эмчи ону шинчип, хынап көргеш:
— Панкреатиттиг-дир силер, акый – дээн.
Ону дыңнааш, малчын акый девидеп, кайгай бергеш:
— Чүү же, дуңмам? – деп, эмчиден ылавылап айтырган.
— Панкреатиттиг-дир силер, акый.
— Өршээп көр, дуңмам. Банкыдан черле кредит албаан мен – деп, малчын акый девидеп, эмчиже чиге кайгап, чугааланган.

«Шын» №4 2025 чылдың февраль 6