Бөгүн кежээ өөм ишти болгаш ажы-төлүм дачаже чоруптарлар! Аштанчыг боорда, аас-кежиктиг чай келген-не…
***
— Шөлээңер үезинде кайнаар дыштаныр бодап тур силер?
— Өөм ишти-биле өг-бүлевистиң бюджедин санааш, шылаваан-дыр бис деп түңнелге келдивис.
***
Ашак-кадай дыштанып чоруур деп турар.
— Ажы-төлдү авамга, ыт биле канарейканы даай-авамга, диизивисти кожавыска арттырып каар бис — деп, кадайы чугааланган.
Ашаа соңгаже боданып көргеш:
— А чораан ажыы бар бе? Бажыңга-даа дыштанып болур-дур бис.
***
— Бо шөлээмде чаңгыс-даа барбаан черимче четкеш, чаңгыс-даа кылбаан чүүлүмнү кылыр деп сагыштап тур мен.
— Ындыг чүве болганда, кухняга баргаш, аяктарны чуп каавыт, эргимим.
***
— Кырган-ачай, удуп тур сен бе?
— А чүү?
— Беш чүс акшадан берем!
— Удуп тур мен, оглум, удуп тур мен!
"Шын" №56 2024 чылдың июль 27
