«Россия Федерациязыныӊ чамдык эрге-хоойлу актыларынга өскерилгелерни киирериниӊ дугайында» 238-ФХ дугаарлыг Федералдыг хоойлуну бадылааш, хүлээп алган.
Күрүнениӊ арга-арыг реестринде медээлерни Күрүнениӊ чаӊгыс аай шимчевес өнчү-хөреӊги даӊзызында (ЕГРН) медээлерге дүүштүр киирер чурумну ол хоойлу документизинде тайылбырлаан.
Арга-арыг участогунуӊ кызыгаары болгаш ол черниӊ ээзиниӊ эрге-ажыктарыныӊ дугайында медээни ЕГРН документизинге даянып кылыр дээрзин тодараткан.
Арга-арыг участоктары биле арга-арыг ажыл-агыйыныӊ кожалашкан кызыгаарыныӊ дугайында медээлерни ЕГРН документизинге канчаар киирер дүрүмнү айтып бижээн.
Күрүнениӊ кадастр учедун болгаш күрүнеге хуу ээзиниӊ эргелерин бүрүткедир дээш дужааган билдириишкини-биле документилерин сайгарып көрбейн, ээзинге катап эгидериниӊ үндезинниг чылдагааннары элээн делгем апарган.
Күрүнениӊ кадастр учедун болгаш күрүнеге хуу ээзиниӊ эргелерин бүрүткедир ажылды соксадырыныӊ үндезин чылдагааннарын өскерткен.
Арга-арыг өнчүзүнге хамаарыштыр эрге-ажыын болгаш хоойлу-дүрүмнүг сонуургалдарын суд черинге камгалаар ажылды төлээлекчи орган кылбас дээрзин доктааткан. Бир эвес арыг-арыг участогунуӊ эргелиг ээзи дээш хоойлу-дүрүм аайы-биле маргышкан түӊнелинде, ол чер участогун ажыглап шыдавас болгаш аӊаа арга-арыг фондузун камгалап кадагалаар хемчеглерни эрттирбес апарган таварылгада ындыг болур.
Культурлуг өнчү объектилериниӊ девискээриниӊ дугайында медээлерни күрүнениӊ арга-арыг реестринче киирер.
Арга-эзимнерде черниӊ казымал байлаан шинчилээр, ону дилээр болгаш казып тывар сорулгалыг юридиктиг черлерге аӊгы участок бээри 2026 чылдыӊ январь 1-ге чедир онза чурумнуг.
Бажыӊы болгаш чериниӊ участогу арга-арыг ажыл-агыйыныӊ азы арга-эзимниӊ кызыгаарында турар болза, судтуӊ шиитпири-биле ол өнчүзүн ажыглаар эргезин соксаткан болза, ооӊ ээлери 2026 чылдыӊ январь 1-ге чедир судче негелде билдириишкин киирип болур.
Федералдыг хоойлунуӊ чамдык дүрүмнеринден аӊгы кезектери 2023 чылдыӊ июнь 13-те күш кирген.
Республиканыӊ прокурорунуӊ улуг дузалакчызы С.А. ООРЖАК.
Р. ДЕМЧИК очулдурган.
Чурукту интернет четкизинден алган.