Аът чылым үнүп келди,
Амытан чон аът ышкаш
Ажылчын кежээ болзун!
Аът ышкаш маңгыр болзун!
Ажыл-ижи бүдүп турзун!
Аът ышкаш челер,
саяктаар болзун!
Кадыкшылы шак-ла ындыг болзун!
Чеди-Хаан Бурганга
тейлеп тур мен!
Чер кырында бүгү-ле
Амылыг амытан эки чурттазын!
Чонумнуң ажы-төлү,
Мээң ажы-төлүм эки чорзуннар!
Амыдырал-чуртталгазы
Аас-кежиктиг,
Буян-кежиктиг болзун!
Чүдүлгелиг тайгаларым,
Ак-Хайыраканым!
Кезеге даам!
Улуг, Биче Хайыраканым!
Оран-таңдым ээлери!
Оран-таңды, от, суг
Халавы турбазын!
Озал-ондакка таварышпазын!
Чер кырында бүгү-ле амытан
Аас-кежиктиг чорзун!
Мөңге, тайбың
эки чурттап чорзун!
Курай! Курай! дээш йөрээр мен.
Өршээ, Хайыракан!
/ “Шагаа йөрээлдери” деп номдан.
Чурукту интернеттен хоолгалаан.
“Шын” №5 2026 чылдың февраль 12