Делегей чергелиг “Хөөмей” Академиязының директорунуң оралакчызы Марьятта Маадыр-ооловна Бадырганың «Тувинский хоомей как объект культурной политики» деп монографиязы чырыкче үнген.
Тыва хөөмейниң күүселдезин шинчилээн номда Тыва Арат Республика үезинден эгелээш бо хүннерге чедир тываларның этниктиг культуразының системазында культурлуг политиканың тургустунуп келгениниң дугайында автор бижип турар. Номда тыва хөөмейниң амгы байдалынга үнелелди болгаш келир үеде хөгжүлдезинге хамаарышкан айтырыгларны тода бижээн.
Монография культура адырының, чогаадыкчы коллективтерниң удуртукчуларынга болгаш хөөмей башкыларынга, “Тываның культуразы”, “Тыва культураның төөгүзү”, “Тываның хөгжүм культуразы” дээш өске-даа чурт-шинчилел угланыышкыннарлыг өөредилге курстарынга ажыглаарынга көрдүнген.
К. Монгуш белеткээн
ТР-ниң Культура яамызының медээзи-биле.