Май 31-де, Бүгү-делегей таакпы чок хүннү демдеглеп турар. Таакпылап чаӊчыга берген улуска, таакпы ыжын үргүлчү тынып, чыттап турар кижилерге ооӊ хоралыг салдарыныӊ дугайында дыӊнадып медеглээр ажылды чылдыӊ-на эрттирип турар.
Енисей Сибириниӊ үш регионнарында таакпылаар болгаш таакпылавас кижилерниӊ сан-түӊүн Красноярскыныӊ статистика албаны тодараткан.
Чижээ, Тыва Республикада эр улустуӊ 62 хуузу, херээжен улустуӊ 93 хуузу таакпылавайн турар. Суурларныӊ чурттакчыларынга бодаарга, хоорайда улус таакпы тыртпас, кадык-чаагай амыдыралды шилип алганын демдеглээн.
Хакас Республикада эр улустуӊ 60 хуузу, херээжен улустуӊ 90 хуузу таакпылавайн турар. Хоорай чонунга бодаарга, суурнуӊ чурттакчылары таакпылавас, кадык-чаагай амыдыралдыг.
Красноярск крайда эр улустуӊ 60 хуузу, херээжен улустуӊ 90 хуузу таакпылавайн турар.
Таакпылаар эр улус хоорайда эвээш, а суурларда хөй. Таакпылаар херээжен улус хоорайда көвей, а суурларда эвээш болган.
Россияның шупту регионнарын деӊнеп көөрге, Чечен Республикада эр улустуӊ 92 хуузу таакпылавас болган. Чечен, Ингуш, Дагестан, Кабардино-Балкар республикаларда херээжен улустуӊ 100 хуузу шуут таакпылавас болган.
Алтай Республикада эр улустуӊ 52 хуузу таакпы тыртып турар. Сахалин областа херээжен улустуӊ дөрт чарганыныӊ бир кезии холунда таакпылыг чоруур деп демдеглээн. Чурт иштинде эӊ-не таакпылаар регионнарга оларны хамаарыштырган.
Красноярскыныӊ статистика албаныныӊ медээзи-биле Р.Демчик белеткээн.