Ол бистиң республикавыста чаңгыс удаа эвес кээп турар. Эрткен чылдың сентябрьда “Хөгжүмнүг салгал “ Владимир Токаның Енисей акварели” деп төлевилел-биле концерттиг кээп чораан. Ол төлевилелди культурлуг эгелекчи санал Президенти фондузунуң болгаш Тыва Республиканың Культура яамызының деткимчези-биле боттандырган.
Красноярскиниң академиктиг симфониктиг оркестри Тываның композитору Владимир Салчакович Токаның дараазында хөгжүм чогаалдарын ойнаан:
- «Молодежная» деп хореографиялыг сюита;
- романс «Дуруяа»;
- «Таежная» деп 2 дугаар симфония болгаш өске-даа
Бо чылын база бир төлевилелди боттандырары-биле тыва композиторлар Ростислава Кенденбиль биле Дамба Хуреш-оолдуң хөгжүм чогаалдарын үстүнде айыткан оркестр ойнаар дээн.
Дирижёр ТР-ниң культура сайыды-биле ужуражылга үезинде кады ажылдажылганың планын болгаш өске-даа төлевилелдерни боттандырының дугайында дугуржулганы ийи тала кылган. Бүгү планнаан хемчеглерни “Хөгжүмнүг салгал “Эне-Сайның симфониязы” деп төлевилел-биле боттандырар.
2023 чылда боттандырар хемчеглерни Ростислав Докур-оолович Кенденбильдиң 100 чылынга болгаш Хуреш-оол Кара-Салович Дамбаның 80 чылынга тураскаадып эрттирип турар.
“Хөгжүмнүг салгал “Эне-Сайның симфониязы” төлевилелдиң кол сорулгазы – тыва композиторлар Ростислав Кенденбиль биле Хуреш-оол Дамбаның чогааткан хөгжүм чогаалдарын чон аразынга делгередип нептередири болуп турар.
Дирижёр Михаил Владиславович Мосенков Тываның күрүне филармониязының симфониктиг оркестриниң библиотеказындан бистиң композиторларның холу-биле бижээн партитураларын шинчилеп, материалдар чыыр ажылды чорудуп турар. Оон шилип алганы хөгжүм чогаалдарын 3 концертке Красноярскиниң академиктиг симфониктиг оркестри ойнап көргүзер.
Ол база үстүнде төлевилелдиң боттанылгазы болур. Оон аңгыда тыва композиторларның бижээн хөгжүм чогаалдарының каталогун тургузар. Ойнап турган концерттериниң үн болгаш видео бижидилгезин кылгаш, чогаалдарның партитураларын белеткеп каан.
ТР-ниң Культура яамызының медээзи
#Шынсолун#Тывакультура#Эне_Сайныңсимфониязы
#РостиславКенденбиль100чыл#ХурешоолДамба80чыл
#Краснояскиниңсимфониктигоркестриниңдирижёру
