Хүндүлүг чаңгыс чер чурттугларым!
Тыва Республиканың шериг комиссариадының хуу составының болгаш бодумнуң өмүнээмден сеткилимниң ханызындан Шагаа-биле байыр чедирип тур мен!
Шагаа Тываның болгаш өске чоннарның ханы уткалыг, үнелелдиг байырлалы. Ада-өгбелерниң арга-дуржулгазынга, чоннуң ёзу-чаңчылдарынга хүндүткелдиин бадыткап, демдеглеп турар чырыткылыг байырлалывыс бо.
Үнүп келген 3 көк меңгилиг ыяш олуттуг көк Улу чылы кижи бүрүзүнге каң дег кадыкшылды, аас-кежикти, байлакшылды болгаш чедиишкиннерни сөңнээр болзун.
Өг-бүле чылында аал-ораныңарга ынакшыл, чөпшээрежилге болгаш өөрүшкү доктаап турзун!
Шаг чаагай, Шагаа чаагай!
Тыва Республиканың шериг комиссары Д. АРТЫНА.
“Шын” №10 2024 чылдың февраль 10
