Үш чыл бурунгаар азы 2021 чылдың январь айның баштайгы 10 хонуктарында Хемчик хемниң адырларының бирээзи Кара-Суг булуктааш, Бай-Тайга кожууннуң Бай-Тал суурнуң девискээринче булук суу агып киргенин тус черниң чурттакчылары ам-даа утпаан.
Ынчангаш Бай-Тайга кожуун, Бай-Тал суму чагыргаларының харыысалгалыг албан-дужаалдыг ажылдакчылары Хемчиктиң болгаш ооң адырларының байдалын бо чылдың кыжын кичээнгейлиг хайгаарап турарлар.
Бо кыжын агаарның сооп эгелээни-биле холбаштыр Хемчиктиң септери булуктап эгелээр, ооң чоогунда чурттакчылыг черлерни булук хөме алыр чыгыы. Ынчангаш Хемчик биле Найырал сумуларның девискээринде бажыңнарны булуктан камгалаар ажылдарны баш бурунгаар чорудуп турар. Ол дээрге булук суу чурттакчылыг черлерже агып кире бээр черлерге сайлыг довуракты төп чалдаары дээш өске-даа хемчеглер. 2021 чылдың январь айда булуктаашкын үезинде 20 тонна сайны аар чүък машиналары-биле эккеп төккеш, чалдаан.
Ш. МОҢГУШ.
“Шын” №96 2024 чылдың декабрь 14