Эрткен чүс чылдың эгезинде чаа тургустунган Тыва Арат Республикага белек кылдыр эң-не баштайгы электри станциязын Совет Эвилели тудуп берген. 1925 чылдың октябрь 1-де баштайгы электри станциязының байырлыг ажыдыышкыны болган.
Ынчангы үеде хоорайга чаңгыс-ла даштан кылган оран-сава ол. Арткан бажыңнарны, тудугларны шуптузун ыяштан туткан турган. Электри станциязы 1938 чылга чедир ажылдаан.
А 1940 чылда ооң оран-савазын хоорайның ном саңынга дамчыткан. Амгы үеде ТР-ниң А.С. Пушкин аттыг Национал ном саңының оран-савазы хевээр.
“Шын” №77 от 2024 чылдың октябрь 9
