Өөредиглиг чугаа
Бир-ле катап бир ядыы кижи Буддага таваржы бергеш, айтырган: «Башкы, мен чүге ядыы кижи мен?».
Будда харыылаан: «Чүге дизе сен экииргек чорук көргүспейн турар-дыр сен».
Экииргек чорук көргүзерде, бай боор ужурлуг ышкажыл деп ол дораан бодангаш:
— Бээр чүм-даа чок кижи, экииргек чорукту канчап көргүзер мен инчеш?
— Сенде беш бай байлак бар, оларның дузазы-биле экииргек чорукту кылып болур сен. Ынчалза-даа ону кылбайн турар-дыр сен. Ол дээрге:
Бодуңнуң шырай-арның-биле өскелерге хүлүмзүрүгнү сөңнеп болур сен, ону кылбайн турар сен.
Карактарың-биле ынакшылдыг болгаш сагыш човаашкынныг көрүжүң-биле көөр ужурлуг сен, ону кылбайн турар-дыр сен.
Аксың-биле өскелерге бир-ле эки сөстү чугаалаар ужурлуг сен, ону кылбайн турар-дыр сен.
Чүрээң-биле өскелерге аас-кежикти күзээр ужурлуг сен, ону кылбайн турар сен.
Мага-бодуң-биле өскелерге бир-ле эки чүүлдү кылыр ужурлуг сен, ону кылбайн турар-дыр сен.
“Шын” №48 2025 чылдың декабрь 11