КОЙГУНЧУГАШ
Кылын хөртүк харга
Кым-даа ону эскербес,
Аккыр чараш чучуктыгбай,
Арга кезиир чаптанчыгбай.
Өңнүктери – дииң, хөөрүк,
Өскен чери – тайга-таскыл.
Чаа чылда “чалаттырар”
Чаптанчыг-ла койгунчугаш.
СААСКАН
Өскен черин утпас-кагбас,
Өөрзүрек чаңныгбай.
Аргып, чамап каанзыг
Ала-шокар тоннугбай.
Хөйлеңиниң чаражын
Көөргедип органзыг,
Херим, чагы бажынга
Хөөреп орар ааспыракпай.
Аалчылар келирин
Айыткап бээр төлгечим.
“Чугаа-сооду” каш янзы
“Чалчыраашпай” саасканым.
/ Белекмаа ДОШКУТ.
Чуруктарны интернеттен хоолгалаан.
“Шын” №43 2025 чылдың ноябрь 6