Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Билдириишкинни октябрь 1-ге чедир хүлээр

18 сентября 2023
21

Федералдыг чиигелде алыр эргелиг хамаатылар 2024 чылда бөлүк социал хандырылганы кандыг хевирге алырын шиитпирлеп, билдириишкин киирер ужурлуг дээрзин Россияныӊ Социал фондузунуӊ Тыва Республикада салбыры дыӊнадып турар.

Тывада федералдыг чиигелде алыр 28 муӊ пенсионер бар. Федералдыг чиигелде алыр эргелиг улуска Ада-чурттуӊ Улуг дайыныныӊ киржикчилери, блокадага таварышкан кижилер, дайынчы хөделиишкиннерниӊ хоочуннары, инвалид улус, инвалид уруглар, Ада-чурттуӊ Улуг дайыныныӊ мөчээн киржикчилериниӊ болгаш дайынчы хөделиишкиннерниӊ мөчээн хоочуннарыныӊ өг-бүлезиниӊ кежигүннери болгаш радиацияныӊ салдарындан когараан кижилер хамааржыр.

2024 чылдыӊ январь 1-ден тура бөлүк социал хандырылганыӊ бодун алыр күзелдиг улус албан билдириишкин бижиир. Күрүне ачы-дузазын чедирер Госуслуга порталын, Социал фондунуӊ салбырыныӊ клиентилер-биле ажылдаар албанын азы МФЦ таварыштыр билдириишкинни 2023 чылдыӊ октябрь 1-ге чедир чорудар ужурлуг.

2023 чылдыӊ февраль 1-ден тура бөлүк социал хандырылганыӊ бир айда хемчээлин 1469 рубль кылдыр доктааткан. Дараазында социал хандырылгаларны ооӊ иштинде киирип каан:

- Эм-таӊ, эмчи херекселдери болгаш эмнээшкинниг аъш-чем аймааныӊ барааннарын садып алырынга – 1132 рубль;

- Кол аарыгларны баш бурунгаар эмнедири-биле санаторий-курорт баар путёвка алырынга – 175 рубль;

- Хоорай чоогунда демир-орук транспортунга, ол ышкаш эмнедир хоо-
райынче баарда, аай-дедир аргыжар транспортунга халас чорууру – 162 рубль.

2023 чылдыӊ июнь 24-тен тура дайынчы хөделиишкиннерниӊ хоочуннарыныӊ билдириишкиннерни күрүне болгаш муниципалдыг ачы-дуза чедирер портал таварыштыр чорудуп турган. Оларныӊ ай санында алыр акша төлевиринге бөлүк социал хандырылганыӊ акша-хөреӊгизин долу хемчээли-биле немеп каан.

Федералдыг чиигелдениӊ бодун азы ооӊ орнунга акша-хөреӊгини алырын шиитпирлээр мурнунда, «ийе» азы «чок» деп деӊзигүүрлеп, хынамчалыг боданырын Россияныӊ социал фондузунуӊ Тыва Республикада салбыры сүмелеп турар. Чүге дизе бөлүк социал хандырылганыӊ бодун (азы ооӊ чамдыызын) алырындан ойталап, ооӊ орнунга акшазын алыр мен деп шиитпир хүлээп алган болза, бүдүн чыл иштинде ону өскертип шыдавас апаар.

Тыва Республикада социал фонд салбырының медээлеринден.


"Шын" №70 2023 чылдың сентябрь 16