Кижиниң холунда билзектер багай, күзенчиг эвес энергиядан камгалаар хүлээлгелиг. Ол дээрге-ле бүдүн-бүрүн болгаш кадык болурун камгалап турар.
- Улуг эргекте билзек — меделди шиңгээдип алыры болгаш бодунче акша хаара тудар.
- Айтыр салаада — эрге-чагырга байдалын идепкейжидер. Ол шиитпирлиг чорукту бээр, сорулгазын чедип алырынга дузалаар.
- Ортаа салаада билзек ук-ызыгууру-биле быжыг харылзаа тударын оштаар, кижиге күш бээр.
- Уваа-шээжейде (дөрткү салаа) — хей-аът көдүрер, чогаадыкчы күштү бээр, харылзаа тударынга дузалаар.
- Биче-бөөвейде (биче салаа) билзек сеткил-сагыжыңарны күштелдирер база херектиг кижилер-биле харылзаа шуудадыр.
Ажы-төлүңерге ыяап-ла билзектерден садып берип туруңар. Чүгле кыс уругларга эвес, оолдарга база. Билзектер оларның амыдырал-чуртталгазынга дузалаар.
«Шын» №36 2024 чылдың май 18
