«Бистиң өг-бүлевистиң-дир» деп мөөрейниң ийиги ээлчээниң киржикчилеринге кол сорул- га – боттарының чуртунга болгаш ооң чедиишкиннеринге чоргаарланып чорууру, а эң кол чүүл — өг-бүлезин болгаш өг-бүлезиниң одаан үнелээри. 2025 чылда эң-не нептереңгей апарган мөөрей “Россия – аргалар чурту” деп Президент платформазында «Өг-бүле» деп национал төлевилелдиң кезээ апарган. Төлевилелдиң ийиги ээлчээнде Тыва Республиканың 250 ажыг чурттакчызы киржип турар. Мөөрейже бүрүткел «этосемейное.рф» сайтыда сентябрь 14-ке чедер.
РФ-тиң Президентизиниң администрациязының даргазының бирги оралакчызы Сергей Кириенконуң парлалга конференциязынга дыңнатканы-биле, мөөрейниң ийиги ээлчээнде 105 муң өг-бүле бүрүткеткен. Кириенко мөөрейни Россияның Президентизи Владимир Путинниң дорт даалгазы-биле эрттирип турарын сагындырган. «Россия – аргалар чурту» деп президент платформазының бо төлевилели эң-не хөй киржикчилиг болур деп, ол баш бурунгаар чугаалаан. Мөөрейниң бирги ээлчээнде бүгү чурттан 600 муң хире кижи киришкен.
“Өске мөөрейлер берге даалгалар-биле ылгалып турар болза, бо мөөрей — аас-кежик дугайында мөөрей-дир. "Бистиң өг-бүлевистиң-дир" деп мөөрейниң түңнелинде ышкаш, ындыг өөрүшкү болгаш аас-кежиктиг байдал өске черде чок. Эң-не улуг өөрүшкү дээрге уругларның аас-кежиктиг арнын көөрү. Кижи бүрүзүнүң бот-боттарынга дузазын, деткимчезин, хүндүткелин, ынакшылын — бо бүгүнү боттарының чижээнге көргүзери дээрге кандыг-даа шаңналдардан, даалгалардан артык чугула. Бирги ээлчегде шаңналдар үезинде беш харлыг Арсалан Дампилов өг-бүлези-биле сценаже үнүп келгеш, сеткилиниң ханызындан: «Кижилер, силерге четтирдим” дээнин сактып тур мен. Ол эң-не эки сөс болду. Силерге улуу-биле четтирдим, чонум!» – деп, Сергей Кириенко чугаалаан.
Оон аңгыда мөөрейниң Хайгааракчылар чөвүлелиниң даргазы мөөрейниң ийиги ээлчээнде Президентиниң шиитпири-биле тиилекчилерниң саны ийи катап хөй болур деп чугаалаан. Олар чурттаар оран-савазын экижидеринче 60 сертификатты алыр, а тиилекчилер өг-бүлези-биле аян-чорукче аъттанырлар. Мөөрейниң даалгалары өг-бүлениң үнезин хевирлээринге, российжи өг-бүлелерни быжыктырарынга идигни берип турар деп, Россия Федерациязының Чазааның Даргазының оралакчызы, «Россия – аргалар чурту» Президент платформазының Хайгааракчылар чөвүлелиниң кежигүнү Татьяна Голикова демдеглээн.
"Бистиң ниити сорулга- выс — өг-бүлелерни быжыглаары, салгалдарының бүзүрел чок, хоорук чоруун болдурбазы. Өг-бүлени ниити сорулгалар, планнар болгаш күзелдер каттыштырып турар болза, ол болдуна бээр дээрзинге бүзүрээр мен. Россияның Президентизи Владимир Владимирович Путинниң эгелээшкини-биле эрттирип турар "Бистиң өг-бүлевистиң-дир" деп мөөрейниң сорулгазы ол.
Чурттуң бүгү булуңнарындан 600 хире муң кижи мөөрейниң бирги ээлчээнге киржип, ону Россияның эң улуг өг-бүле мөөрейинче шилчидип, чоннуң ёзулуг ынакшылын оттурган. Бердинген даалгалар шупту кады чаа чүүлдерни өөренип, улуг салгалдан билиглерни дамчыдып, бот-боттарын эптиг болгаш ажыктыг хемчеглер дамчыштыр эки билчип алыр кылдыр, муң-муң өг-бүлелерни чоок кижилери-биле хөй үени эрттиреринге идигни берген. Мөөрей улуг хемчээлдиг «Өг-бүле» төлевилелинге каттышкан, ынчангаш бо чылдан эгелээш, чылдың-на болуп эгелээр. Ооң кол болгаш үндезин сорулгазы – чуртувустуң чонун көвүдедири. Мөөрейниң чаа ээлчээ эгелээн, аңаа российжи өг-бүле бүрүзү киржип болур. Силерни солун чугаалажыышкын, уран чогаадылгалыг делегей, чаа эш-өөр манап турар, чүге дизе сагыш-сеткилдиң делгеми, ынакшыл болгаш бердинген чорук — бистиң өг-бүлевистиң-дир. Катчыңар-ла!» — деп, Татьяна Голикова кыйгырган.
«Бистиң өг-бүлевистиң-дир» деп мөөрейниң ийиги ээлчээ 2025 чылдың май 27-де «Россия – аргалар чурту» платформаның Хайгааракчы чөвүлелиниң хуралынга эгелээн. Ынчан Россияның Президентизи Владимир Путин ону үндүрерин деткип, төлевилелдиң чедиишкинниг болганын демдеглээн.
Мөөрейниң ийиги ээлчээниң темазы Россияның культуразынга тураскааткан. Өг-бүле командаларының бүрүткелин “etosemeinoe.rf” деп сайтыга сентябрь 14-ке чедир кылып болур.
Билдириишкинни боттарынга хамаарыштыр үш азы оон хөй салгалдың төлээлери, ол ышкаш дөрт азы оон хөй кежигүннерден тургустунган өг-бүле командалары киирип болур. Өг-бүле командазы бүрүткел чадазының төнчүзүнде 5 хардан 17 харга чедир киржикчилерин киирер ужурлуг.
Бистиң корр.
“Шын” №27 2025 чылдың июль 17