Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Боттан кол чүүл хамааржыр

21 марта 2024
7

Улуг харлыг, хатчыл, узун кыш болзажок бойдустуң солчулга үези черле келир. Тываның Көдээ ажыл-агый болгаш аъш-чем яамызының бергени сан-медээзинден алырга, бүгү хевирниң ажыл-агыйларында мал кышты чедимчелиг эрткен.

Чымыштыг үе – мал оолдаашкыны эгелээн. Малчыннарның, көдээ ажыл-агый специалистериниң, мал эмчилериниң ажылы аартаан, малчын өг-бүлелерге өөрүнчүг иженигниң үези келген.

Өвүр кожуунда арат ажыл-агыйының удуртукчузу Кара-Кат Доңгакка база бир кыш төөгүже чуукталган. Ооң ажыл-агыйында 100 ажыг баш хой, 200 баш өшкү, 60 ажыг баш бода, ол ышкаш 80 баш сарлык бар. 48 анай бо чылын чаа төрүттүнген.

«Меңээ эң кол чедиишкин болза, кышты хүр-менди эртип алыры. А ооң үндезин-дөзү мал оолдаашкынынга хынамчалыг белеткел болур. Кол-ла чүүл – мал кажааларын үезинде септеп-селип алыры, чылыглаары. Өй-шаанда зооветеринарлыг профилактика ажылдарын чоруткан бис” — деп, малчын чугаалап турар.

Баш бурунгаар коданче эргежок чугула хемчээлдиг мал чемин чедирип алган, ооң немелде курлавырын база тургускан. Бөгүн кол күжениишкин малдың оолдаашкынынче угланган. Малдың чаш төлүн онча-менди камгалап алыры – бөгүнгүнүң кол сорулгазы ол.

Кара-Кат Надаңович 2019 чылдан бээр арат ажыл-агыйының удуртукчузу. Сарлыктың бажын өстүрери-биле, Россельхозбанкыдан баштайгы чиигелделиг чээлини алган.

«Үе-дүптен бээр мал ажыл-агыйы орулгалыг үүле-ле болгай. Малдың баш саны өскен тудум, орулга база көвүдээр. Кандыг-даа чедиишкин кижиниң ажылгырындан, күш-ажылга хамаарылгазындан хамааржыр, ынчалза-даа кыдыындан саң-хөө деткимчези база тоң чугула. 2019 чылда Россельхозбанк өмээржилгени биске кылды. Ол биске агар санны ажытты, мобильдиг банкының ачы-дузазын көрүп тур бис» — деп, Кара-Кат Донгак демдегледи.

А. ХЕРТЕК.

Чуруктарны интернеттен алган.

“Шын” №21 2024 чылдың март 20