Сеткилимде тоолзуг өргээм
Чечек шыпкан Булуң-Терээм.
Чалгын чүглүг ыдык соруум –
Сайзанак дег хөгжээн суурум.
Мөөрүктерден судакталган
Мөңгүн, уран удазыннар –
Аржаан суглар шулураажын,
Ажыл-ишчи мерген чоннуг
Ынакшылдың, найыралдың
Ынаныштыг хайым одаа,
Амыдырал чечектелген,
Айым, Хүнүм – Булуң-Терээм.
Өзүм-тыным дуңзааланган,
Өскен-төрээн кавай черим.
Чолум, кежиим, ынакшылым,
Чоргааралым – Булуң-Терээм.
Нина Эртине.
Чурукту интернет четкизинден алган.
"Шын" №56 2024 чылдың июль 27
